أعلنت الفنانة والراقصة برديس، اعتزالها مجال الرقص الشرقي، مرجعة قرارها لرحيل الراقصة غزل، التي رحلت الأسبوع الماضي. وكتبت برديس عبر حسابها على "الفيسبوك"، "لكل حبايبي وإخواتي وأصحابي اللي بيحبولي الخير أحب اقولكم أنا اعتزلت الرقص الشرقي تماما وقرار لا رجعة".

وأضافت "بجد أد إيه الإنسان لسان في ثانيه عند ربنا وأنا كنت على علم بكده بس بجد الواحد كان في غفله قسما بالله إن أول مره أفقد حد كنت بشوفه قدام عيني من نفس المجال والله العظيم من يوم سماعي الخبر وأنا مدمره وعدم حضوري الجنازة والله العظيم كنت خارج مصر بس الله يرحمها وقطع لسان أي حد يجيب سيرتها".

وواصلت "محدش عالم بظروف حد إلا ربنا فالحمد لله ده قراري بجد، وعلى فكره أنا مش لبسه الحجاب أنا عايشه حياتي بالتزام وعايشه سني اللي بيضيع مني في مجال كله ياله نفسي، وربنا يديني الخير ويديني الذرية الصالحة، وأنا مش مسؤولة عن أي صفحه تنزل صور ببدل أو أي فيديوهات أو أي كليب نزل، أو هينزل دي حاجات قديمة أنا صفحتي دي الشخصية، وأنتو كلكو أصحابي وبحبكم. ربنا يحسّن خاتمتنا وموت الغفلة ويهدينا جميعا".