القاهرة - اليمن اليوم
المقادير:
200جرام دقيق
5بيضات
100جرام سكر
2معالق بيكنج بودر
1/2ملعقه صغيره فانيليا
للتزين
4 باكو كريم شانتيه
جوز الهند
كمبوت مانجو
فراوله
كوب لبن مثلج
الطريقة:
1/ هنفصل الصفار عن البياض وهنضيف على بياض البيض نصف كميه السكر وصفار البيض النصف التانى وايضا الفانيليا ونخفقهم بالمضرب الكهربائى كل واحده لمده من 10 ل 15 دقيقه
2/ بعد الخفق يتم اضافه البياض الى الصفار واضافه الدقيقه على دفعات والتقليب بخفه عشان الهواء مش يطلع من الكيكه وبعد كده هنضيف البيكنج بودر اخر حاجه
3/ هنكون فاتحين الفرن قبلها بربع ساعه عشان يكون الفرن سخن
4هنحضر صنيه بس نراعى ان يكون جدرانها عاليه عشان لما الكيكه تعلى فى الفرن
5/ هندهن الصنيه زيت ونرش عليها دقيق وبعدين نحط الخليط وندخلها الفرن
6/ بعد 30 دقيقه هنطلع الكيكه
7/ هنسيبها لحد ما تبرد براحتها
8/بعد ما الكيكه تبرد هنحضر تزين الكيكه
كوب لبن مثلج مع 3 باكو كريم شانتيه ونقوم بخفقهم جيدا ونزين الكيكه بالكريم شانتيه وعلى الاطراف نضع جوز الهند وبعد كده بنزينها بالفراوله وكمبوت المانجو او اى فاكهه انتوا تحبوها